السلام عليكم ورحمة الله وبركاته اليوم سوف اعرض لكم قصه حقيقه رواها لي احد اصدقائي،شخص يحكي قصه حقيقة حدثت بالفعل من احد العاملين فى اوبر مصر، والقصه حدثت مع ثلاث بنات اصدقائة فى العمل مع احد السائقين فى شركة اوبر فى مصر.......

بس كان منظره طبيعي شاب عادي نازل بيشتغل في اوبر زي شباب كتيرالمهم انا نزلت في أول العبور والبنات التلاته الي معايا كملو لبيوتهم  وقفو مره تانيه ينزلو واحده منهم،وبعدين اخر اتنين اول ماوصلو ونازلين خلاص فالطبيعي بيسألو كام قام قالهم 385 جنيه!...... والرحلة متفقين عليها فوق بـــ 85ج اصحي للكلام

طبعا هما رفضو يدفعو لان من الاول لان ثمن الرحلة كانت ظاهره 85 تقريبا فاعمرها ماتزيد 300 جنيه من الهوا ولما طلبو منه يشوفو التليفون بتاعه علشان يشوفو الابليكيشن وهوا طالب الرقم دا مارضيش .........

طبعا هو فاهم ان الشاب اللي عمل الرحلة نزل واللي هو المفروض طالب من تليفونه وهو نزل في الطريق،ساعتها اتصلو البنات بالولد علشان يسألوني ولما جيت ابص لقيت التريب لسا مخلصتش اصلا وهوا مش راضي ينهيها ولما قالوله دا انكر وبدأ يشتم ويقل ادبه ويعلي صوته على البنتين!......

وانا سامع على التليفون وقال ان الابليكشن عندي انا الي مهنج لاحظ انه لحد دلوقتي مش عايز اصلا يوريهم الابليشكن عنده انه طالب المبلغ دا اللي هو 385ج،في الوقت دا كان خلاص بقا باين ان دا نصاب بيحاول يستغل الموقف ويستغل فكرة ان بنات لوحدهم!

هما اتخانقو معاه ولما صوتهم علي في الشارع عليه خد 100 جنيه ومشي!هوا اول مامشي بعيد حبه عن البيت قام قفل التريب وجابلي رساله ان التريب ب 89 جنيه!.....يعني الافندي كان عايز ينصب علينا في 300 جنيه وفاكرنا هنرمي الفلوس وخلاص او هيخوف البنات!

الحقيقه انا عندي اسئله كتير زي ليه مفيش اي حاجه في الابليكيشن تخليني اكلم حد من uber في وقت الحالات الطارئه و ( التريب شغاله ) مش بعد ماتخلص،ولحد امتى اوبر هتفضل تشغل اشكال زي دي عنهدهم؟!

كل يوم تقريبا بنحتاج اوبر والموضوع بقا متكرر جدا ان نشوف مواقف مزعجه بس يوصل لان يبقا نصاب بجح وغبي زي دا!
ازاي المفروض نامن ع نفسنا او صحابنا او اي حد عارفينه بيركب اوبر وكل يوم الخرا دا بيحصل....

ولحد امتى هنفضل نكلمهم بعد مالكارثه تحصل علشان يقولك معلش خد 10 جنيه اهو ابسط وكأننا بشحت منهم فلوس وميعملوش اي حاجه للمشكله الحقيقيه!......

ومن خلال هذا الموضوع نقدم لكم رابط مباشر لمحادثة خدمة عملاء، اوبر، لتبليغ عن شكوي حدثت من احد السائقين، او مشكلة قد تواجهك في يوم من الايام مع سائقي سيارات اوبر.