 |
| الاقلاع عن التدخين |
افضل طريقة للاقلاع عن التدخين
السلام عليكم ورحمة الله وبركاته فى هذا المقال سوف اشرح لك الطريقة التي استخدمها وجربتها على نفسي لكي اقلع عن التدخين،انا مش هضحك عليك زي المواقع التانية واكتب لك طرق ليس لها اي صله بالموضوع....انا هحكليك
انا كنت زي اي شخص مدخن بدات التدخين قريب ووانا فى سن 20 سنه ودلوقتي انا عندي 26 سنة ياعني بقالي 6 سنين بدخن، والتدخين اللي انا كنت بدخنه سجائر، وشيشة.
تجربتي الشخصية فى الاقلاع عن التدخين
بس فى الاول كانت شيشة بس صحابي ياسيدي اعده فى التانية الشيشة احسن من السجارة لية ياعم، مش معاك على طول زي السجارة وقت لما تروحلها روحلها مش ملزماك زي المدام ماشي ياعم شربت شيشة بقيت اروح القهوه مخصوص عشان اشرب حجر لحد مازهقتى من مرواح القهوه وجيبت شيشة فى البيت.
بعد كده يجي واحد صاحبي يقعد معايا المعسل خلصان طب نعمل ايه طب خد سيجارة لحد ما تجيب مسعل ياعم لا انا شيشة بس، لية ياعم هي دوي لا بس مش عايز اتعود السيجارة مره فى التانية لاقيت نفسي دخلت في شرب السجاير والشيشة مع بعض....
كارسة طبعاً انك تدخن البلوتين فى نفس اليوم ضرر كبير جداً طب اعمل ايه انا نص مرتبي رايح على التدخين، ودخلي الشهري مش اللي هو اوي ياعني عشان اشرب سجاير وشيشة فى نفس الوقت.
طرق الاقلاع عن التدخين بالتدريج
اعدت ما بيني وبين نفسي كده قولت لا لازم اوضع حد لهذه المشكلة دي، طبعا الكل عارف الفيب "الشيشة الالكترونية" الاختراع ده بصراحة جامد جداً بجد وه كان السبب فى اقلاعي عن التدخين بجد.
روحت اشتريت فيب مستوردة حاجة نضيفة جداً وجيب سائل التدخين بس السائل اللي جيبته كان غالي شوية لان اللزوجة بتاعته كانت عالية ونسبة النيكوتين كمان عشان يدوب نفس يكفي ويعمر الدماغ..
دي بقي بقيت لما كنت ازهق اخد نفس هو كان الموضوع فى الاول كان عامل زي عربية رش النموس كنت شغال الله اكبر بس شوية شوية بقيت اخف من الشرب يوم بعد يوم خلاص ما بقيتش ادخن بس الموضوع ده خد معايا 6 شهور بالظبط عشان اقدر اتعود وعود جسمي اني احرمة من الدخان لفترة طويلة....
الموضوع فى الاول صعب بس طول مانتا عايز تبطل هاتبطل زي مانا بطلت بس ياعم وهي دى كانت تجربية فى الاقلاع عن التدخين بالمناسبة انا بعت الفيب خلاص ودلوقتي بقيت تمام بفضل ربنا الحمد لله على نعمة الصحة..
